قصيدة نروح المدرسة بدري

انا هلا جبتلكم قصيدة للشاعر:- فيصل اليامي وهو من شعرائي المفضليين اتمنى انها تعجبكم لانها بتعبر عن سلوك كل طلاب المدارس .....وبدي الردود بسرعة ...........................................

يا ليت الزمن يرجع ورى ولا الليالي تدور
ويرجع وقتنا الأول وننعم في بساطتنـــــا

زمان أول أحس انه زمان فيه صدق شعور
نحب ونخلص النية وتجمعنا محبتنـــــــا

زمن مافيه لا غيبة ولا حتى نفاق وزور
يا ليته بس يرجع ونسترجع طفولتنــــــا

صغار قلوبنا بيضا نعيش بعالم محصــــور
ولا نعرف ابد أغراب ما غير عيال حارتنا

صحيح صغار بالتفكير لكن ما علينا قصور
نحفظ نكسر اللعبة وتسعدنا شقاوتنــــــــــا

نروح المدرسة بدري ونضحك داخل الطابور
نحاول نزعج العالم في روحتنا وجيتنـــــــا

وعشان نأخِر الحصة نخبي علبة الطبشـــور
نشاغب بس في الآخر تميزنا برائتنـــــــــــا

نحب الضحك والهيصة نحب أنط فوق السور
نفرفش. ليه ما نفرفش ما دام الضحك عادتنا

ولكن دارت الأيام وبان الخافي المستــــــور
وصار الهم متعلي على قمة سعادتنــــــــــا

كبرنا وصارت الدنيا تصف أحزاننا بالدور
وتهدينا الألم والهم غصب عن عين رغبتنا

تعبنا من بلاوينا احد ضايق واحد مقهور
وكل غارق بهمه وفي الآخر تشتتنا

وانا ما أقول إلا حلالاه الزمان يدور
ويرجع للورى فترة نعدل فيها عيشتنا